منتديات المغربي

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى
عزيزي الزائر الكريم عند التسجيل في المنتدى يرجى وضع اميلك الحقيقي ليتم ارسال كود التفعيل عليه
فتسجيلك أخي الكريم اختي الكريمة دعم لنا و لهذا المنبر .فبادروا إلى التسجيل من أجل أن تدلو بدلوكم في مواضيع المنتدى.
وشكرا
إدارة منتديات المغربي
منتديات المغربي

رِيح الأحْلاَم ( قصيدة زجلية)

شاطر

أميمة رجاء في الله
عضو جديد

انثى
عدد المساهمات : 3
نقاط : 1354
تاريخ التسجيل : 16/03/2014

رِيح الأحْلاَم ( قصيدة زجلية)

مُساهمة من طرف أميمة رجاء في الله في الأحد مارس 16, 2014 10:22 am

رِيحْ هَبَّت عْلىَ المجتمع المَلْهُوف
كَشْفت كلشي و عْرَّات السْقُوف
كُلْشي تْوَّضَح و كُلْشي صْبَح مَكْشُوف
الحَقِيقَة بايْنة و المجتمع بَاغِّينَهْ يَبْقَى مكْفُوف
بَاغِيين الخْرُوف يَنْتَج القُطن بْلاَصْت الصُّوف
و مْسَمْيِين الفِيلاَتْ غِير للكْهُوف
كَايْتْكَلْمُوا عْلَى المُساواة و هُمَ شِي يَاكُل شِِي يْشُوف
و هَكَّا الإنسان صْبَح عْلى الخَدْمَة مَلْهُوف
يَقرا حْتَّى يَعْيَا، و الخَدْمة مَضْمونة للِّي مَا مْڭَمْطْ فْصُغْرو
وْ اللِّي مْتْكَّبر حْتَّى عْلَى السَّلام
دَارُولُوا الحْڭْرَة لْجَام
تْڭَيَّد الاحْلاَمْ بْالظُّلْم
صَدْعُوهْ بْكَثرْة الكْلاَم
و هو ما يعرف بْاللِّي بْنادم يَفْرَزْ السَّم
دُوْخُوهْ بْكَثرْة الاحْلاَم
و الاحْلاَم ذَبْلت و بْقَى غِيرْ الغَمْ و الهَم
حَلْ مُشكلة بْمُشْكِلة و بَدَّل الحْمَار بْاغْيُول
ذَاق حْبَّة وْ دْخَل لْجَنَّة الخْياَل
كْمَا واحد نْسا الهْمُومْ و هْنَّى البَالْ
شم مرة فالسْما طار و ڭَاعْ البلدان جَال
نفَّح تَنْفِيحة ، السَّردين رْدُّوا كَافيار و لُونْكُوسْتْ ما بْقَاش شْرَال
ضْيَّعْ حيَاتو عْلَى لَحظة تُنْتَسَى من البَال
نْسَى آمَالُو وْ سْبَابُو الْمَالْ، المَال
يا إنسان رَاهاَ الدنيا ما دَايْمة
وْ راها غير فْقَطْرَان حْيَاتك عَايْمَة
مْرَّة تْغَرْقَك ، وْ مْرَّة تْنّقذَكْ و مْرَّة تْوَرِّيكْ السْمَا الغَايْمَة
يّا إنسان غْدَا رْبِّي يْفَرَّجْ
و تْعُودْ
احلامك حقيقة فيها تتفرج
طْلَبْ ربك و عْلى طريقو لا تتعوج
غْدَّا تْخْدَم ، خْدَم بْلاَدَكْ بْلاَ مَا تَتْسِيَّج ْ
الزْمَان دْوَّارْ بْحَالُو بْحَالْ البْحَر المْهَيَّجْ
طْلَبْ رَبَّك وْ بْقَا بْمُرَادَكْ وْ طُمُوحَكْ ْمْتُوَّجْ

أريد رأيكم في قصيدتي الزجلية

أميمة رجاء في الله
عضو جديد

انثى
عدد المساهمات : 3
نقاط : 1354
تاريخ التسجيل : 16/03/2014

رد: رِيح الأحْلاَم ( قصيدة زجلية)

مُساهمة من طرف أميمة رجاء في الله في الأحد مارس 23, 2014 11:05 am

رائع زجلك أختي أميمة

    الوقت/التاريخ الآن هو الجمعة نوفمبر 24, 2017 9:46 am